【護理小知識】認識長者初期認知障礙症狀，及早預防！🧠👵👴

各位朋友，您有冇發現屋企嘅長者最近有啲唔同咗？好多時初期認知障礙症嘅徵狀會被忽略，但如果及早發現，就可以幫助佢哋更好面對同處理問題！

以下幾點係常見嘅初期徵兆，大家可以留意下：👇

記性變差 🗓️

年齡漸長時與年輕時相對來比係比較冇記性，但情況經常發生，例如︰會唔記得啱啱講過嘅嘢、經常唔記得將物品擺喺邊，甚至忘記重要約會或者事情，家人就要開始留意。根據《國際老年醫學期刊》嘅研究，記憶力下降係早期認知障礙症嘅主要徵兆之一。

處理日常事務有困難 💰

長者在一些生活日常處理的事務，例如︰計數、付款或者做返每日例行嘅家務，都變得困難，甚至會顯得手足無措，或者需要旁人指示或提點後才能完成。

語言表達有影響 🗣️

講嘢嗰陣可能找唔到啱嘅字眼，或者唔記得點樣組織句子，令溝通出現障礙。根據香港老年學會調查，語言表達困難係常見嘅初期徵兆。

判斷力下降 🤔

喺有突發情況出現時唔識點應對，例如︰煲湯滾瀉時唔熄熄火。此外，長者經常做出唔尋常嘅選擇，例如︰喺炎熱天氣穿太厚嘅衫。長者的判斷力下降同樣係初期認知障礙症嘅典型症狀。

情緒變化 😔

變得容易煩躁、抑鬱，又或者對以往喜歡嘅活動失去興趣，變得孤立，唔鍾意同其他人溝通。根據心理學會嘅數據，情緒變化常常伴隨認知障礙症出現。

如果發現以上徵狀，千祈唔好掉以輕心，可以帶長者去睇醫生做詳細檢查，及早了解病情，以便制定適合嘅應對方法。根據研究，及早診斷和治療可以有效延緩認知障礙症進程。長者健康需要我哋每一個人嘅關心同愛護！💪💕

註冊社工 謝靈詩